10.1 C
Santa Comba
viernes, diciembre 9, 2022

Antonio Pensado:“Os pactos non deben facer esquecer o interese xeral”

“Aspiramos a gañar as eleccións en Coristanco”.

Audio entrevista desde o minuto 15

O exalcalde Antonio Pensado Plágaro lidera a Agrupación Electoral Veciños de Coristanco(ALVC) coa que agarda ser a forza máis votada nas eleccións do vindeiro 26 de maio.

“Son do PP e o fun toda vida, e amigo do presidente da Xunta” aclara Pensado que seguidamente explica que “tres persoas tomaron decisións equivocadas sen falar cos demais e penso que as cousas se deberían de facer doutra maneira”.

Centrados no diálogo

O candidato da ALVC  criticou a xestión de Amancio Lavandeira que “non pagou a ninguén” pero tampouco está moi satisfeito coa de Abraham Gerpe, a quen apoiou nunha moción de censura.”Nestes últimos anos a situación mellorou, fíxose fronte aos pagos pendentes pero seguimos levando as cousas moito atraso. Coristanco necesita unha nova corporación municipal que se centre no diálogo”.

Antonio Pensado asegura que evitará a confrontación e buscará o diálogo:”Os pactos non deben facer esquecer o interese xeral dos veciños de Coristanco”.

Entre as súas prioridades están revisar a xestión municipal, un plan para mellorar os accesos a todas as parroquias, actuacións concretas “e non bacheos”, mellorar os servizos , “devolverlle a confianza aos veciños” e conseguir que “haxa un entendemento cos traballadores e un bo ambiente”.

«Son unha persoa honrada e traballadora»

Nunha entrevista no programa “Na Encrucillada” de Radio Xallas indicou que “temos un programa amplo e realista que imos a explicarllo moi ben á xente.”Vou a crear a concellería da Familia, necesitamos fixar poboación e vou a ser o alcalde das familias”.

Unha das súas propostas consiste en conceder mil euros anuais durante catro anos a cada neno que naza en Coristanco.Tamén quere ampliar o horario de atención da Policía Local, ou habilitar un local social xunto o Tanatorio da capital municipal.

Na entrevista falouse da causa xudicial na que está inmerso:”Son unha persoa honrada e traballadora e estou totalmente tranquilo”.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
509SuscriptoresSuscribirte

Últimos artigos