Presentan case 1.000 sinaturas na Xunta
Continúan en Zas coa demanda ante a Consellería de Sanidade para que se volva a prestar o servizo pediátrico de 35 horas semanais, na actualidade reducido á atención en días alternos nos centros de saúde de Zas e de Baio entre as 12,00 e as 15,00h.
Nesta ocasión, un grupo de pais e nais entregou preto de mil sinaturas nas oficinas do Rexistro Xeral da Xunta de Galicia, para apoiar a súa reivindicación. O alcalde de Zas, Manuel Muíño Espasandín acompañou a este colectivo.
Zas sen recortes en pediatría
Os impulsores da recollida aseguran que con esta cantidade de sinaturas recollidas queda reflectida a preocupación que existe na veciñanza “xa que representan máis do 20% da poboación total do municipio”.
A Coordinadora “Zas sen recortes en pediatría” ten previsto realizar novas accións nos próximos días.