A localidade da Picota acolle a vindeira fin de semana a XIX Festa do Bolo do Pote, organizada polo concello de Mazaricos coa colaboración da asociación Amas de Casa e de veciños Monte Picoto.
O sábado 4 de marzo haberá xantares e ceas de Cocido e Bolos do Pote, previa reserva, nos seis establecementos participantes; Restaurante O Verxel, Efe-Eme, Casa Jurjo, Pizzería Vinculeiro, Café-bar Alborada e Bar Asador Manduca.Hai un menú especial co Bolos de Pote, Cocido con grelos, postre, viño e café cun prezo de 15 euros.
Xa o domingo, a Festa comenzará as 13.00h cun pasarrúas e actuación do grupo de gaitas O Verán. Despois no campo da feira da Picota haberá unha degustación de Bolos do Pote e os xantares nos establecementos hostaleiros.A orquesta Xacobeo amenizará a sesión vermú a unha verbena que se iniciará as 18:30h.Tamén Haberá inchables para nenos.
Promoción desde o concello
O concello de Mazaricos promociona a Festa do Bolo do Pote e este produto típico con distintas iniciativas, entre elas un showcooking que tivo lugar na feira Xantar de Ourense e outra mostra que terá lugar este xoves en Lalín.
“A elección de Lalín obecede a unha vontade de estreitar lazos entre feiras gastronómicas e tamén á relación do bolo do pote co cocido” declarou o alcalde de Mazaricos, Juan Blanco, que xa ten pechada a visita do autobús do Cocido ao concello para o vindeiro.Nesta edición agardan poden superar as 1.500 racións repartidas o ano pasado.
Segundo explican desde o concello “A preparación dos bolos do pote resulta aparentemente sinxela, aínda que cada cociñeiro ten o seu segredo para facer este prato saboroso. A base para a súa elaboración é a fariña de millo mesturada coa de centeo, que proporcionan consistencia. Poden empregarse anacos de touciño entrefebrado, chourizo ou touciño, cos que se prepara un rustrido que dá sabor á masa. Unha vez feito isto, dáselle forma de bóla e introdúccese a cocer na auga fervendo do caldo. Tras isto, córtase e sérvese acompañado de chourizo, lacón, orella ou calquera carne de porco”.
@AdianteGalicia