O programa da Televisión de Galicia homenaxeou a artista recanteira da Costa da Morte, Paula Rodríguez, días despois da súa viaxe.
Xosé Manuel Lema
Xa estábamos todos avisados. A edición do Luar do pasado venres 13 de febreiro era moi especial. Baixo a atenta ollada xuvenil de Paula Sueiro Rodríguez desde alturas, tocaba a merecida homenaxe, días despois da súa tráxica partida. E foi un festival de emotividade e sensacións a flor de pel.Ata os que non somos seguidores habituais do programa, non quixemos perder a cita.
A emoción e a tristura poboaban o esceario e cada recuncho onde se emitía o programa da Televisión de Galicia. Unha emisión que comenzaba cunha imaxe de Pau que xa nos provocaba o primeiro refacho sentimental. Xosé Ramón Gayoso anunciaba que era a noite para “celebrar a vida de Paula Sueiro e a vida que nos agasallou” e que despois de días de bágoas “quedámonos con ese marabilloso recordo”.
.jpg)
Despois choraron as rosas nas voces de Tania Fuegho, Xosé Manuel Piñeiro e Manuel Andrade. Pero tamén choraron as almas de cada recanteiro, de cada músico, de cada persoa que estaba no recinto e tamén nas súas casas segundo o veterano programa.Gayoso dou lectura a un agracedemento escrito dos pais, Belén Rodríguez e José Manuel Sueiro, e logo houbo cancións,videoclips, lembranzas e palabras quentes coma brasas.E ao mesmo tempo frías coma as ondas que se baten contra as pedras do Roncudo. Unha combinación estraña percorría is corpos.
E houbo distintas intervencións,o profesor de canto de Pau,Ramón Vázquez, Pili Pampín, Yadhira, Hugo Torreiro, etc… E música moita música.Non houbo concurso porque esa noite se celebrou “O Recantos da Costa da Vida” cos concursantes sobrevivindo un naufraxio de dor, pero encontrando a vida na boia salvadora que Paula lanzou desde algún sitio.
