Unha colisión entre un autobús escolar e un turismo, rexistrado esta tarde en Santa Comba, saldouse sen persoas feridas. No autocar viaxaban un total de 19 nenos e nenas, de idades comprendidas entre os 11 e 18 anos. Todos eles foron trasladados ao seu destino noutro autobús.
O accidente ocorreu preto do núcleo de Santa Comba, na estrada que vai a Baio. Foi a propia condutora do autobús a que chamou ao 112 Galicia para explicar o ocorrido, ás 18:40 horas desta tarde.
Dende o Centro Integrado de Atención ás Emerxencias do 112 informouse a Protección Civil e á Garda Civil de Tráfico.