Os servizos sanitarios de urxencia trasladaron esta mañá a unha persoa ferida tras sufrir un accidente cun tractor. Ocorreu ás 10:30 horas de hoxe nunha explotación gandeira situada no lugar da Baneira, en Cabana de Bergantiños.
Segundo se indicou aos xestores do 112 Galicia, un tractor pasoulle por riba dunha perna e necesitaba asistencia médica urxente.Así, dende o Centro de Atención ás Emerxencias informouse a Urxencias Médicas, á Garda Civil e aos membros do GES de Ponteceso.
