Outra mostra de talento xalleiro. Natalia Cernadas Fariña, natural da parroquia de San Cristovo, en Santa Comba iniciará a súa formación como a primeira residente da nova especialidade de Urxencias no Complexo Hospitalario Universitario de Santiago (CHUS).
Era a súa primeira opción “pero ao haber só unha praza en Santiago pensei que se ocuparía antes; case choro de emoción”
Segundo explicou en declaracións a El Correo Gallego, a súa elección responde a unha vocación clara pola especialidade desde a etapa universitaria: “para min estudar Urxencias nunca era un traballo e sempre me chamou moito a atención poder tratar a patoloxía aguda no momento no que se produce”, sinalou.
Natalia Cernadas destaca a “acción” e a “inmediatez” como os principais motivos que a levaron a escoller esta rama, lembrando que durante a carreira na USC sempre optou polas prácticas no servizo de Urxencias, por ser o ámbito que máis lle atraía.
Agora iniciará unha nova etapa de catro anos, chea de ilusión. Parabéns Natalia.
