Incendio nun vehículo na parroquia de Pesadoira, en Negreira
Os bombeiros do parque Comarcal Provincial de Santa Comba foron alertados sobre as 12:00 horas de hoxe dun vehículo con lume nunha estrada municipal, no lugar de Alvite na parroquia de Pesadoira, no Concello de Negreira.
Na chegada ao punto do suceso, o equipo procedeu a iniciar a extinción comezando cun carrete de alta presión para aplacar as lapas a distancia. Mentres, outros operarios colocaban os equipos de respiración para poder aproximarse aos vehículo e acceder a todos os puntos coa aplicación de auga.
Unha vez se rematou co carrete de alta presión, realizouse un tendido de 25 mm de diámetro de escuma. Xa cando a temperatura estivo rebaixada e o tendido completado, comezouse coa aplicación de escuma sobre o vehículo. Para aplicar esta escuma sobre o interior do capó, empregouse unha pata de cabra.
Cómpre destacar que non houbo danos persoais no lugar do incidente e que o vehículo quedou calcinado por completo, quedando só a estrutura metálica.
FOTO E TEXTO CONSORCIO PROVINCIAL
