Marta Castiñeiras Landeira traballa no Centro de Saúde de Santa Comba. É un MIR. Deses dos que moito se fala nos medios de comunicación.
Pero ten todo o mundo claro o que significa MIR?
“Pois, é un médico interno residente. É un médico que ten o título de medicina. Durante seis anos estamos estudando e logo temos que acabar a carreira e aprobar un exame, que é o famoso MIR, e posteriormente rotar durante seis anos e, despois, formarnos tanto en especialidades hospitalarias como no centro de saúde, que é onde nos vemos nosos pacientes, e para conseguir a especialidade de medicina de familia”.
Marta falou no programa Na Encrucillada de Radio Xallas. A súa intervención estivo relacionada co deterioro cognitivo e o Alzheimer.
Síntomas de deterioro cognitivo
Nunha conversa moi interesante, falounos de síntomas:
“Un dos primeiros síntomas de alarma é a perda de memoria recente. É dicir, que o paciente suele olvidarse con frecuencia das citas importantes, fai preguntas repetitivas sobre isto, tamén desoriéntanse moito no tempo, non saben en que día viven, comproban moito no calendario e no móbil”.
Pero a doutora falounos de máis:
“Outro síntoma tamén importante é a alteración da linguaxe, é dicir, non son capaces de buscar as palabra. Téñenas na punta da lingua e non son capaces de emitilas”.
Marta Castiñeiras considera importante que “os familiares detecten síntomas como cambios no carácter do paciente, normalmente sóense encontrar máis irritables e isto fai que a veces intentemos aos familiares corrixir os erros, eles soen enfadarse, e tentan ocultalo, entón estes primeiros síntomas o que fan é dificultar a vida cotián dos pacientes e os familiares”.
«O primeiro é buscar axuda»
Unha vez detectados os primeiros síntomas debe acudirse os médicos.
“O primeiro é buscar axuda, falar co seu médico de atención primaria para facer unha primeira valoración do grado de deterioro cognitivo”.
Sobre o perfil dos pacientes sinala:”Pois estamos vendo que cada vez a xente cando encontra estes síntomas precoces consultan máis axiña, pero normalmente os pacientes que vemos na consulta son pacientes de idade avanzada, con factores de risco e, á veces, xa un deterioro cognitivo”.
Sobre o papel das coidadoras e outros temas falou en Radio Xallas esta profesional orixinaria de Xavestre, no concello de Trazo.
