O concello de Negreira acolle este sábado, 14 de setembro, desde as 18,30h, un acto institucional onde se xuntarán tres localidades unidas por un topónimo: A vila de Negreira, na comarca de Barcala, a localidade do mesmo nome no concello da Estrada, e Negreira de Vilamaior, no municipio de Santa Comba.
O acto contará coa presenza do filólogo e especialista en toponimia, Fernando Cabeza Quiles, que ofrecerá unha charla e departirá cos presentes.
Asistirá o Secretario Xeral da Lingua da Xunta, Valentín García Gómez, e os alcaldes Alberto Romar (Santa Comba), Gonzalo Louzao (A Estrada) e Manuel Ángel Leis (Negreira).
Actuará como mestre de cerimonias, Amancio Liñares, que visitou os estudios de Radio Xallas, desde onde animou ós veciños de Santa Comba e da comarca a asistir:“ Estaría ben que viñera xente de Negreira de Vilamaior”.
Con respecto ao evento manifestou: “Hai tres Negreira nada máis en Galicia e ocorréusenos facer un encontro dos tres lugares para reivindicar o noso topónimo”
Intervención de Amancio Liñares en Radio Xallas- Desde o minuto 105 aprox
