13.5 C
Santa Comba
lunes, junio 10, 2024

A Baña aproba por unanimidade a ordenanza de ruídos

A Corporación da Baña aprobou por unanimidade a ordenanza municipal de ruídos e bonificar a licencia ao CPI San Vicente para as obras de melloras que se van a realizar.

Segundo o alcalde José Antonio Pereira(PSOE) a ordenanza é “unha esta ferramenta xurídica para poder defender á veciñanza” ante a proliferación de parques eólicos.

Na sesión celebrada tamén se acordou que un representante de cada grupo político (José Antonio Pereira, Mónica González e Andrés García Cardeso) representen ao Concello da Baña na Mancomunidade Xallas-Tines-Tambre, co obxectivo sa súa disolución.

Por unanimidade acordouse bonificar o Imposto sobre Construcións, Instalacións e Obras (a licenza de obras) ao CPI San Vicente, que este verán quere pintar con fondos propios algunhas das dependencias do centro.

Mocións

Aprobouse unha moción do PSdeG solicitándolle á Xunta de Galicia unha maior financiación do servizo de axuda no fogar (SAF), co apoio do BNG e o voto en contra do PP.

E unha moción do BNG contra a construción de ALTRI, co voto a favor do PSOE e do BNG e a abstención do PP.

Por unanimidade aprobouse a moción presentada por Mónica González en nome da asociación Acougo solicitando para as familias acolledoras o recoñecemento de familias de especial protección e que os menores en situación de acollemento familiar teñan a condición real e efectiva de fillos ou fillas.
Todos os grupos votaron a favor de solicitarlle ao goberno central a urxente tramitación da Lei ELA, para axudar as persoas con esclerosis lateral amiotrófica e as súas familias.

No apartado de rogos e preguntas, o PP interesouse pola iniciativa do goberno local para promocionar a feira da Baña, que se celebra o primeiro luns de mes. Tamén preguntou polas condicións para participar no xantar popular previsto para o 15 de xuño.

A concelleira Mónica González aclarou que poderán xantar gratis as persoas empadroadas na Baña de maiores de 65 anos (ou que os fagan este ano), e as que acrediten ser pensionistas, ter diversidade funcional ou familias con escasos recursos. O resto de asistentes deberán pagar 30 euros.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,250SuscriptoresSuscribirte

Últimos artigos