11.9 C
Santa Comba
sábado, febrero 17, 2024

Falece unha muller froito da colisión dun coche e un camión en Tordoia

Unha muller morreu este xoves ao chocar o seu coche contra un camión no concello de Tordoia, segundo información do 112

Malia os esforzos, os servizos sanitarios nada puideron facer pola vida da implicada, que viaxaba no turismo e cuxo corpo foi liberado polos Bombeiros de Ordes.

O 112 Galicia tivo constancia do accidente, rexistrado no quilómetro 10 da DP-8401 (Castenda da Torre), a través dunha chamada do persoal de Urxencias Sanitarias de Galicia-061 minutos antes das 13 horas. Naquel momento, indicaron que podía haber persoas atrapadas e que estaban a mobilizar o helicóptero medicalizado con base en Santiago.

Rapidamente, os xestores do Centro Integrado de Atención ás Emerxencias solicitaron a colaboración dos Bombeiros de Ordes, da Garda Civil de Tráfico e da Policía Local de Tordoia.

Os servizos sanitarios trataron de reanimar á muller, que finalmente faleceu e, nestes momentos, os Bombeiros traballaron para liberar o seu corpo.

FOTO TVG

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,210SuscriptoresSuscribirte

Últimos artigos