8.6 C
Santa Comba
sábado, febrero 17, 2024

Val do Dubra presentou o seu programa de Entroido

O Concello de Val do Dubra presentou a programación para o Entroido que contará con variedade de actividades e repartirá 2.630 euros en premios.


O concurso e desfile de disfraces será o sábado 10 e o desfile infantil o martes 13 de febreiro. As inscricións para o concurso deben formalizarse presencialmente no Concello de Val do Dubra desde o luns 29 de xaneiro ao venres 2 de febreiro.

O Concello de Val do Dubra presenta unha programación variada para que grandes e pequenos gocen destes festexos na localidade.

Así, o venres día 9 arranca a programación co desfile de escolares e da asociación AVANTE. Desde o colexio de Bembibre e posteriormente na Casa do Concello, onde se
pendurará o Meco, elaborado polos usuarios e usuarias de AVANTE.


O sábado de Entroido, día 10 de febreiro, será o desfile e concurso de disfraces. A programación arranca ás 16:30 horas co pasarrúas a cargo da charanga “Os Celtas”.
As 17.00 horas dará comezo o desfile de comparsas e disfraces dende o Campo da Feira ata a Casa do Concello.


Posteriormente o evento, que contará coa presentadora da TVG, Loly Gómez, como mestra de cerimonias, continuará no aparcadoiro da rúa de San Lourenzo coa entrega de
premios e fin de festa con degustación de filloas, orellas, lacón…


En canto ao concurso, haberá 3 categorías e 3 premios por categoría cuxo reparto será:

● PREMIOS COMPARSAS: 1º PREMIO (900 euros), 2º PREMIO (700 euros) 3º PREMIO (300 euros)
● PREMIOS PARELLAS: 1º PREMIO (200 euros), 2º PREMIO (150 euros), 3º PREMIO (80 euros)
● PREMIOS INDIVIDUAIS 1º PREMIO (150 euros), 2º PREMIO (100 euros), 3º PREMIO (50 euros)

O broche final co baile de disfraces será a partir das 21.30 horas a ritmo da discomóbil EMEMUSIC.


Para participar no desfile é necesario formalizar a inscrición presencialmente no Concello de Val do Dubra e poderá facerse desde o luns 29 de xaneiro ata o venres 2 de febreiro.
Os máis pequenos tamén gozarán dunha festa especial o martes de Entroido, día 13 de febreiro, no Pavillón municipal.


Desde as 17.00h ata as 17:30h aqueles que desexen participar no desfile deberán inscribirse no propio pavillón. O desfile será a partir das 17:30 h. e despois haberá festa con inchables e degustación de filloas e orellas amenizada por Animus.


A queima do Meco marcará o punto final a tres días de actividades pensadas para que os dubreses e dubresas vivan e desfruten do Entroido na localidade.

nota de prensa do Concello de Val do Dubra

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,210SuscriptoresSuscribirte

Últimos artigos