A Deputación coruñesa achegará 200.000 euros a esta actuación
O presidente da Deputación da Coruña, Valentín González Formoso, e o alcalde da Baña,
José Antonio Pereira Gil, asinaron un convenio para cofinanciar as obras de arranxo da pavimentación da vía pública entre Vilar da Torre e Lañas.
Asistiron a sinatura varios concelleiros do goberno local e o deputado Antonio Leira.
A Deputación destinará 200.000 euros do investimento, que supón o 80 % do orzamento total, para unhas obras que teñen como obxectivo mellorar a circulación e a seguridade viaria no tramo que transcorre entre Vilar da Torre e Páramos.
A mellora realizarase en dous prazos, cuna explanación e rasanteo do firme e logo coa extensión dunha base de macadam de 15 cm. de grosor, ademáis de colocar un rego de penetración e un rego superficial para completar a obra.
