Val do Dubra xa ten a súa piscina aberta en horario de 12 a 21h ata o 31 de agosto, coa circunstancia de que durante a primeira quincena o acceso será gratuíto.
Despois das correspondentes tarefas de limpeza e mantemento das instalacións, así como o selado do vaso, e a realización do contrato do servizo de socorrismo, as instalacións xa están operativas.Os prezos están establecidos na ordenanza municipal.
Tamén comezaron os cursos de natación que se desenvolven luns e mércores, de xullo, De 16.00 h. a 16.30 h. E de 16.30 h. a 17.00 h. Haberá actividades de inchables que se darán a coñecer a través das redes sociais do concello.
Esta semana botábase a andar tamén o Campamento de verán de Val do Dubra, con preto de 80 nenos participantes.
PREZOS PÚBLICOS PARA O ACCESO Á PISCINA- Gratis para menores de 10 anos empadroados
- Bono quincenal empadroados: 3,00 € / persoa
- Bono quincenal NON empadroados: 20,00 € / persoa
- Bono quincenal rapazada menor de 10 anos NON empadroada: 15,00 € / persoa
-Entrada adquirida nas propias instalacións: 1,5 € / persoa.
Hai redución dun 50% nos bonos quincenais para as persoas en posesión do Carné Xove
