Domingo 12 de febreiro. Santiago acolle unha manifestación “na defensa e mellora da sanidade pública”
Este domingo celébrase en Santiago de Compostela unha manifestación “na defensa e mellora da sanidade pública” e en apoio da Atención Primaria, convocada pola Plataforma SOS Sanidade Pública. O punto de encontro será a Praza da Alameda ás 12h.
Iniciativa Lexislativa Popular
Este martes desde a Plataforma presentaron unha Iniciativa Lexislativa Popular (ILP) respaldada por 50.000 sinaturas presentadas no Parlamento de Galicia. De feito, xa se levan recollidas máis de cinco milleiros de sinaturas máis, porque a campaña de recollida continúa ata o 15 de febreiro.
Tanto a manifestación como a ILP conta co apoio do BNG, PSdeG, Podemos, Anova ou Esquerda Unida.
O texto recolle distintas propostas relacionadas co número máximo de pacientes que pode atender un médico, o tempo máximo de agarda para unha consulta, ou atención preferentemente presencial nos Centros de Saúde.
SOS Sanidade Pública
Desde a Plataforma SOS Sanidade Pública denuncian que a Consellería de Sanidade aprobou “ uns orzamentos que supón a metade do orzamento necesario segundo a Organización Mundial da Saúde. Un ridículo financiamento do 14% do gasto sanitario comparado co 25% que deberíamos ter según a OMS”.
Tamén alertan do colapso dos servicios de urxencias hospitalarias ou da privatización sanitaria, entre outras cuestións que recollen no manifesto da súa web www.sossanidade.com
Para este domingo está previsto o desprazamento de autobuses desde distintos puntos de Galicia.
