A presidenta do Comité local e portavoz municipal do Partido Popular de Ames, Oliva Agra, será a candidata a alcaldía de Ames por esta formación.
Desde a dirección provincial dos populares confirmaron que Agra liderará a lista e será a encargada, “a partir de agora, de confeccionar e dirixir un equipo de persoas” co que aspiran “ ser a forza maioritaria na cita coas urnas locais”.
As mesmas fontes sinalan que o obxectivo é “presentar un proxecto que atraia o voto de toda a xente do concello que está a demandar un cambio na forma de facer política”.
Destacan que Oliva Agra “foi a encargada de liderar a oposición e coñece á perfección as necesidades e as demandas que teñen os veciños de Ames”.
O PP de Ames prepara agora un acto oficial de presentación.
