O local social de Ordoeste (A Baña) acolle este vindeiro sábado 26 de novembro a VII Xornada do rural Pousa Antelo, organizada pola asociación cultural Afonso Eanes coa colaboración da asociación de veciños Camiño Real de Ordoeste.
A xornada arrancará (10:45h) cunha charla do axente ambiental, Abel Pérez, sobre a “Lei de Montes e Lei de Incedios de Galicia. Distancias de plantación e xestión de biomasa en faixas auxiliares”.
A continuación(11:30h) o enxeñeiro técnico forestal, Antonio Agulló, falará sobre a “Vulnerabilidade dos núcleos rurais ate os incendios forestais”.
E outro enxeñeiro(12:45), Jesús de la Fuente, intervirá coa ponencia: “Un monte galego diferente é posible. Posta en valor das súas fortalezas”.
A xornada continuará despois do xantar(16:30h) con Ana Rodríguez Vázquez, gandeira e viceresponsable do sector lácteo do SLG que falará sobre “A PAC que se aplica a partir de 2023:Feita para Galicia?”.
Para rematar, o sector eólico será o último tema a tratar a cargo de Carme Varela Rodríguez. O título da charla “Asedio eólico”. A partir das 17:15h. A entrada é de balde.
