A alcaldesa de Trazo, Fina Suárez, e o rexedor de Val do Dubra, José Manuel Varela Ferreiro, veñen de adquirir un tractor e unha desbrozadora de brazo grazas a unha axuda do Fondo de Compensación Local que ascende a 39.000 euros. Ademais, os consistorios asumirán con fondos propios, un custe de 21.000 euros, entre os dous, para completar o gasto total de 60.000 euros.
A maquinaria, que será compartida polos dous concellos, servirá para reforzar o traballo das brigadas medio ambientais na limpeza e conservación de distintos espazos. Os mandatarios recibiron o equipamento esta semana nas inmediacións do casa do concello de Trazo.
Fina Suárez e José Manuel Varela valoraron positivamente a utilidade desta maquinaria para a limpeza de vías e outras zonas e tamén a posibilidade de fomentar a colaboración entre concellos para a optimización dos recursos.
