5 C
Santa Comba
miércoles, febrero 8, 2023

O BNG denuncia a desaparición do cruceiro de Portor en Negreira


Foto-Cruceiro novo (BNG)


O BNG de Negreira rexistrou unha solicitude no concello pola que solicita que se indique o motivo de substitución do cruceiro da parroquia de Portor por un monumento novo “sen que se executara a restauración do existente, do que se descoñece a súa localización”.
Os nacionalistas esixen información sobre o paradoiro do cruceiro orixinal e saber se a actuación contou con permiso de Patrimonio e do propio concello.

O candidato do BNG , Xosé Ramón Blanco, denuncia este «atentado contra o patrimonio de Negreira» e esixe a «súa inmediata restitución».
«O cruceiro de Portor está declarado patrimonio público e as veciñas e veciños teñen que saber que pasou cun ben co que non se pode actuar con esta impunidade», sinalou Blanco.

Críticas ao goberno de Negreira

Neste sentido, cualifica de «incomprensíbel» a desaparición do cruceiro e a falta de información por parte do Concello á veciñanza que non ve razóns para a substitución do ben histórico por outro novo, sen que haxa unha explicación que indique a imposibilidade da restauración do monumento catalogado.

«As veciñas e veciños de Negreira merecen unha resposta e o coidado do seu patrimonio, que é herdanza dos que nos precederon e ten que ser tamén legado para as xeracións que virán», sinala Xosé Ramón Blanco ao tempo que anuncia que o BNG «non parará até saber o destino do cruceiro orixinal e esixir a súa recuperación para o patrimonio de Negreira».

«O deber do goberno municipal é conservar o patrimonio e non ser cómplice da súa desfeita, o que fai aínda máis incomprensíbel o silencio e a falta de resposta que rodea a desaparición do cruceiro», engade Blanco.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Deportes Deputación da Coruña
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,805SeguidoresSeguir
1,020SuscriptoresSuscribirte

Últimos artigos