11.2 C
Santa Comba
viernes, septiembre 30, 2022

«Chegou o momento de poñer fin á ocultación do Reino de Galiza»

Na inauguración do Congreso sobre o Reino medieval de Galicia o deputado de cultura da Deputación coruñesa Xurxo Couto asegurou que «chegou o momento de poñer fin á ocultación do Reino de Galiza».


Para Couto «hoxe é un día transcendental na nosa historia, porque este Congreso é o primeiro que se celebra sobre a nosa época medieval, esa realidade que a pesar do seu esplendor e das evidencias históricas de todo tipo, foi sistematicamente relegada e negada pola historiografía oficial e directamente ocultada nos materiais educativos e divulgativos”.
Foi na inauguración do Congreso sobre o Reino Medieval de Galicia que se desenvolve ata o vindeiro xoves no Museo do Pobo Galego e que pode seguirse no web https://reinomedievaldegalicia.gal/.


Estivo acompañado pola presidenta do Padroado do Museo do Pobo Galego, Concha Losada, e o curador científico do Congreso, Anselmo López Carreira.


Este último lembrou que «hoxe cúmprense 911 anos e 2 días da coroación de Alfonso VII, aínda infante, por parte do bispo Xelmírez e da que temos cumprida información na Historia Compostelá, e con este aniversario quixemos facer coincidir este Congreso».

Tras a xornada inaugural, o primeiro dos relatorios versou sobre «Historiografía catalana versus historiografía española: un exemplo historiográfico alternativo», a cargo de Jaume Sobrequés da Universidade Autónoma de Barcelona; seguido das intervencións de Simon Doubleday da Universidade Hofstra de Nova York sobre «Historia de dúas fronteiras.

Algunhas reflexións sobre as relacións con Al-Ándalus durante o reinado de Fernando I e Sancha de Galicia-León»; e de Pablo Díaz Martínez da Universidade de Salamanca sobre «Fontes e historigrafía do reino suevo. Unha relectura». Cada relatorio vai seguido dun coloquio moderado pola xornalista, Charo Lopes.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,791SeguidoresSeguir
471SuscriptoresSuscribirte

Últimos artigos