O concello de Val do Dubra ten aberto, ata o 20 de xuño, o prazo de preinscrición do “Concilia Verán”, que contará con diversas actividades como contacontos, master chef, inchables, ximnasio, deportes varios, piscina, xogos populares e ata unha visita ao concello.
O horario dos campamentos será de 8 a 14h e o custe de 4 euros por día. Está dirixido a nenos de 3 a 12 anos. Para preinscribirse poden presentar unha solicitude no rexistro municipal ou a través da sede electrónica.
Haberá dúas quendas en xullo e dúas en agosto.
En xullo entre o 4 e o 15 (ambos incluídos) e entre o 18 e o 29 (incluídos e exceptuando o 25 de xullo).
Polo que respecta a agoso a primera quenda será entre o 1 e o 12 (inclíudos ambos) excepto o día 5, e unha segunda quenda entre o 16 e o 31 (incluídos).