Varios centos de racións de empanada servíronse na festa organizada polo concello dubrés dentro das Feiras do Abril.Nunha carpa instalada no campo da feira da capital municipal de Bembibre poidéronse degustar empanadas de atún, bacallau, bacallau con pasas, carne ou polo. Moi bo ambiente e case medio milleiro de racións despachadas.Non faltou a música do trío Alborada nin o servizo dunha «pulpeira».
Foi o colofón a varios días de actividades neste concello, con verbenas protagonizadas por orquestras punteiras como París de Noia ou New York, feira de cans de caza, torneo de tiro ó prato, feira multisectorial, exposición de maquinaria agrícola, etc…
