Bembibre acolle estes días unha auténtica eclosión de actividades que convirten a esta localidade dubresa nun foco de atracción supracomarcal.
Aparte de contar con referencias musicais como a París de Noia e New York, os torneos de tiro, e a feira de cans de caza, e a exposición de maquinaria agrícola, o pavillón polideportivo acolle unha feira con medio cento de stands que ofertan numerosos produtos (todo o sábado e todo o domingo).
O alcalde José Manuel Varela Ferreiro e o xefe territorial de Medio Rural, José Manuel Santos Maneiro inauguraban este evento, acompañados polos alcaldes de Boqueixón, Ames e Trazo e por concelleiros de Santa Comba, A Baña e da propia corporación local.
Varela Ferreiro agradeceu a colaboración “dos moitos expositores que estades aquí” e convidou á toda a xente que se acerque ao concello de Val do Dubra “porque o noso concello ten uns lugares espectaculares para ver”.
José Manuel Santos destacou que Val do Dubra é “un concello que pretende potenciar o medio rural” e trasladou a súa “norabora” por un evento que “serve de escaparate e para dinamizar” a zona.Actuaron as pandereteiras da A.C. Regueifa e realizouse unhas visita a todos os expositores.
O broche ás actividades será este luns 4 de abril con mercadiño tradicional, festa da empanada e actuación do trío Alborada.
