O Grupo de Emerxencias Supramunicipal de Brión participou na madrugada de hoxe venres no operativo que atendeu un accidente de tráfico na rotonda da Barquiña, no concello de Negreira. Unha actuación na que colaboraron os Bombeiros de Santa Comba e a Garda Civil de Tráfico.
O GES de Brión recibiu a chamada do 112 ás 00:50 horas de hoxe e saíu cara Negreira con dous vehículos e tres profesionais. Unha vez no lugar do accidente, comprobaron que o vehículo estaba ardendo e a persoa ocupante ferida, polo que foi trasladada ao hospital en ambulancia. O GES brionés procedeu a extinguir o lume do coche para despois retiralo da calzada e limpar a zona, coa colaboración do equipo de Mantemento de Estradas.
Info-GES DE BRIÓN
