As “Feiras do Abril” de Val do Dubra chegan con forza e con varias formacións musicais que sen dúbida porán ritmo a estas celebracións.No campo da Tilleira(Bembibre) actuará o venres 1 de abril a orquestra París de Noia, acompañada pola discoteca móbil CDC.
Ao día seguinte, no mesmo sitio, terá lugar a VII Festa da Xuventude. Ás 12 do mediodía actuarán as pandereteiras da asociación xuvenil “Regueifa” e pola noite haberá verbena coa orquestra New York, acompañada pola discoteca móbil CDC.
O domingo 3 de abril, o trío musical Alborada ofrecerá una sesión vermú(14:00h).E luns 4 de abril, no Campo da Feira, estará operativo un mercado tradicional, animado coa Festa da Empanada(14:00h) e coa actuación, novamente, do trío Alborada.Haberá unha pulpeira todos os días, nestas celebracións organizadas polo concello de Val do Dubra e a A.C. Emigrante.
Feira de cans de caza e Torneo de tiro ó plato
Pero non serán as únicas actividades neste municipio. O domingo 3 de abril, as inmediacións do pavillón acollerán a I Feira de cans de caza, con distintos premios. Tamén no recinto deportivo, exporase maquinaria agrícola e razas autóctonas.
E esa mesma fin de semana (2 e 3 de abril), ao lado do campo de fútbol Juan Baleato, disputarase un torneo de tiro ó plato (percorrido de caza e foso). Estas dúas actividades contan co patrocinio do Café Bar O Parador e de Agro Botica.
