Os deputados do BNG, Iria Carreira e Luís Bará ,visitaron a comarca de Barcala para reunirse con veciños das parroquias de San Mamede de Monte, Santa Baia de Lañas, San Pedro de Fiopáns, e doutras parroquias de Negreira e A Baña.
Os parlamentarios nacionalistas expresaron o seu apoio ás demandas veciñais con respecto ao proxecto do parque eólico de Troitomil e doutros que se pretenden implantar na contorna.Os veciños solicitaron aos representantes do BNG que seguiran coas iniciativas no Parlamento contra a “vulneración dos dereitos veciñais”.
No encontro tamén se falou sobre a fragmentación de parques eólicos, do impacto dos mesmos no territorio, e na afección dos terreos coa transformación do solo rústico de especial protección de usos agrarios e forestais que pasan a ser solo rústico de infraestructuras o que lles dá un uso preferente nas vertentes dos regatos, canalizacións que unen todos os parques, liñas de evacuación….”.
Luís Bará felicitou aos veciños pola súa mobilización:”Paréceme exemplar como en pouco tempo fostes capaces de articular un movemento de defensa das parroquias e como o concello tomou unha posición de defensa deses intereses cun acordo unánime da corporación”.
