Unha persoa perdeu a vida e outra resultou ferida despois de bater frontalmente dous turismos en Ordes, concretamente na N-550 á altura do punto quilométrico 41.
O 112 Galicia recibiu a alerta do accidente ás 21:00 horas, a través dunha persoa particular e, axiña, os xestores do CIAE 112 Galicia puxeron a situación en coñecemento de Urxencias Sanitarias de Galicia-061, dos Bombeiros de Ordes, da Policía Local, da Garda Civil de Tráfico e do servizo de mantemento da estrada.
A pesar dos esforzos, os servizos sanitarios nada puideron facer por salvarlle a vida a unha das persoas accidentadas e, por outra banda, a persoa que resultou ferida foi trasladada a un centro hospitalario.
A persoa falecida tiña 38 anos e era veciño de Ordes. A persoa ferida, tamén de Ordes, ten 20 anos.
AXEGA 112/REDACCIÓN
