Escoita a entrevista a partir do minuto 32
“Nós imos a intensificar o noso traballo e defender aos veciños pero pouco podemos controlar porque de momento non se fixo nada”. Así se expresaba o portavoz de Anova en Val do Dubra, na sintonía do programa “Na Encrucillada” de Radio Xallas.
Antonio Negreira denuncia a “parálise” municipal. E ofrece un dato:”Desde que entrou este goberno só se contratou unha obra”.E afirma.”Deixamos obras contratadas de abril de 2019 que aínda están sen rematar”. Engade que , de momento, nin se executou o POS complementario do 2018 nin o POS do 2019.
Farolas particulares e favores
Denuncia que o goberno tripartito caracterízase pola “falta de iniciativa” e porque “olvemos ao modelo de farolas particulares e de favores”.
Desde Anova expresan a súa preocupación porque “nin tan sequera se convocan as mesas de contratación”. Critican a baixa execución do orzamento de 2019 e a falta de aprobarse o do 2020 a pesar da maioría do goberno.“Nesta coalición de tres persoas ou ben non se entenden ou están controlándose uns aos outros” reflexiona Negreira Noya.
