O candidato á Presidencia da Xunta de Galicia en Común e secretario xeral de Podemos en Galicia cualifica de “fundamental” para a economía galega o sector lácteo.
«O futuro presidente da Xunta debe loitar por cada litro de leite dos nosos gandeiros e por cada euro de valor engadido das nosas industrias» declarou Antón Gómez Reino, nunha visita á sede das Cooperativas Lácteas Unidas (CLUN) en Ames.
Alí reuniuse co presidente de CLUN José Ángel Blanco; co seu director xeral, Rafael Prieto e coa vicepresidenta e coordinadora do Grupo de Mulleres SEU, Carmen Rodríguez.
«A partir do 12 de xullo, impulsaremos axudas directas e adicionais do Fondo de Crise ás explotacións que atopan dificultades para garantir a súa continuidade” asegurou o candidato.
Tamén se comprometeu a vixiar o cumprimento do Plan Nacional de Controis da Contratación no sector lácteo e “condicionando as axudas públicas para conseguir compromisos das cadeas de distribución e das industrias que garantan a recollida do leite de tódalas explotacións con referencias obxectivas en canto á negociación de volumes e prezos»
