Audio coa entrevista a José Antonio Pereira
O alcalde da Baña, José Antonio Pereira Gil, confirmou que máis do 70% dos casos positivos por coronavirus rexistrados no municipio xa están curados. Falou duns 30 casos, dos cales 17 son usuarios do centro médico e outros 13 non, pero están empadroados no concello. Entre as persoas recuperadas figura unha veciña de 101 anos “o que demostra que disto saése”.
Importante quedar na casa
Pereira referiuse a estes “momentos delicados” nos que “a cousa vai mellorando de maneira moi lenta” e insistiu en que excepto “necesidade moi imperiosa temos que ficar nos domicilios”.
Lembrou que desde o concello seguen traballando nas desinfeccións e tamén nun servizo de entrega nas casas de medicamentos e de compras. Tamén se adquiriron mascarillas quirúrxicas para repartir aos veciños e se facilita a impresión de tarefas escolares.
Asfaltados en distintos puntos do concello
Aínda que vivimos unha situación excepcional, o rexedor confirmou que no concello da Baña, hai varias empresas de construcción executando melloras en parroquias coma Suevos, Cabanas, Corneira ou Rial.
“Cada día avanzamos un pouco máis” asegurou Pereira en Radio Xallas, se ben está convencido de que teremos “unha recuperación paulatina” e “as cousas van a ser distintas”, e que afectarán a actividades, pero agora o prioritario é a saúde e “temos que seguir as recomendacións”.