//Haberá ampliación//- Escoita a entrevista desde o minuto 29
Comeza quente a semana no concello da Baña. O portavoz de Compromiso enviou unha mensaxe directa ao alcalde José Antonio Pereira:”O apoio que lle demos ao PSOE tamén llo podemos quitar sen ningún tipo de problema”.
En declaracións feitas no programa “Na Encrucillada” de Radio Xallas, o concelleiro galeguista, César Ramos non descartou un entendemento co Partido Popular:”Se vemos que podemos facer un pacto coherente e serio co Partido Popular, e que dea máis garantías que este grupo de goberno, valoraremos esta opción”.
Ramos precisou que aínda “é moi cedo” para falar dunha posible moción de censura e deixou claro que “En Compromiso a decisión tena sempre a militancia”.
Segundo a súa perspectiva o balance de goberno “é pésimo” porque “non esperábamos que se fixeran as cousas tan mal en tan pouco tempo”.
