Malestar en Compromiso por Galicia polas “crónicas completamente partidistas e parciais” dos plenos difundidas desde o goberno local a través da páxina web do concello.O portavoz galeguista, César Ramos, non ocultou no seu desacordo coas informacións difundidas desde o concello sobre o último pleno.
Fixo referencia, por exemplo, as vinte preguntas formuladas polo seu grupo que non se mencionan na crónica oficial:”Non lles debe parecer importante que o goberno suba a internet fotografías de menores sen ningún tipo autorización, que poña a disposición da veciñanza unha parcela dun particular como aparcadoiro sen permiso de ningún tipo”.
«Carácter dictatorial»
Tamén critica que non se dera conta do punto no que se tratou sobre a revista municipal “onde se confirma a falta de capacidade do señor alcalde, a falta de respecto cara a oposición e o seu carácter dictatorial”.
Outro asunto que volveron a plantexar desde CxG é sobre a compra de produtos de alimentación en negocios de fora do concello, o que era unha queixa do PSOE na anterior lexislatura “e agora pasan facturas dos mesmos establecementos que criticaban”.“Que lástima que despois de 24 anos o cambio sexa así” conclúe Ramos.
