José Antonio Pereira:“Hai niños que non temos formas de chegar a eles. E desde a Consellería lávanse as mans e non nós dan unha solución”.
No último pleno, en resposta a unha pregunta formulada polo concelleiro de Compromiso por Galicia, David Gontán, o alcalde da Baña, José Antonio Pereira informaba do “problema moi serio” que hai no concello coa vespa velutina.“ Hai algúns niños aos que non se chega nin con camións” lamenta o mandatario.
Insiste que se buscaron distintas fórmulas sen éxito, e agora agarda unha solución por parte da Xunta de Galicia para estes niños pouco accesibles. A maiores, xúntase un problema engadido, xa que a pesar de que neste municipio actúase diariamente sobre a velutina, desde fai ano e medio non se rexistraron as actuacións no concello e polo tanto non están reflexados na estatística.
Unha alternativa podería ser mediante drons, pero o rexedor lembra que o concello ten recursos limitados e debería contar co apoio da administración autonómica.
