Audio coa entrevista. A partir do minuto 36 do programa Na Encrucillada.
O portavoz de Compromiso por Galicia no concello da Baña, César Ramos, está moi satisfeito cos resultados electorais xa que “fixemos historia e somos o único partido que mellorou na Baña e o partido que logrou acabar coa maioría absoluta do PP”.
“Non pasa pola miña cabeza formar goberno con esta xente”
Nunha entrevista en Radio Xallas, Ramos explicou a non entrada do seu partido no goberno municipal:”Nós non confiamos no Partido Socialista. O PSOE non ten un proxecto serio na Baña”.Ramos foi rotundo:”Non pasa pola miña cabeza formar goberno con esta xente, levan moito mais premio do que merecen”
Por ese motivo “optamos por pedir a alcaldía” e tamén lle explicaron ao Partido Popular que se apoiaban a Compromiso “iamos a intentar gobernar e facer un proxecto progresista e sólido” pero sempre con García Cardeso “na oposición”.
Compromiso na oposición
Asegurou que “Xente afín e xente do PSOE dedicouse a mandar informacións falsas e intentar desprestixiar a miña persoa asegurando que tíñamos un pacto do PP”. Tamén se queixa que durante o proceso negociaron os socialistas “mandaron a Lage Tuñas a negociar, e eu dixen que quería falar da Baña con xente da Baña”.
Defendeu a coherencia de Compromiso: “Se fóramos tan inconscientes coma o PSOE, votaríamos por nós e quedaría o PP no goberno da Baña”. Con todo iso deixou claro que este apoio non é un cheque en branco e aínda que agora mesmo é algo “precipitado” dixo: “Se ao longo da investidura vemos que as cousas non van ben, non teremos reparo en valorar unha opción dunha moción de censura”.César Ramos destacou o traballo feito como único concelleiro.”Imaxinádevos o traballo que podemos facer con dos concelleiros”.
