José Antonio Pereira. Escoita a entrevista a partir do minuto 30 deste audio
O alcalde da Baña, José Antonio Pereira Gil, afronta o mandato con ilusión, aínda que prefería que Compromiso por Galicia formara parte do executivo local: ”Non houbo acordo, non lles interesou esa situación. Houbera sido máis cómodo para todos que houbera un pacto e máis sinxelo tomar decisións”.
De tódolos xeitos xa no pleno agradeceu o “exercicio de responsabilidade” dos concelleiros galeguistas. Agarda que a situación de goberno en minoría non impida o progreso do municipio porque “con diálogo e ganas de traballar non debería de haber problemas”.
“Imos deixarnos a pel”
Considera ademais que “a oposición tampouco está para dicir a todo que non”. Nestas datas Pereira confesa que está tratando de coller o ritmo a esta nova dedicación e anuncia que o PSOE “imos deixarnos a pel para que A Baña estea no punto onde ten que estar”.
Algo que ten claro é que “o alcalde da Baña non pode cobrar 40.000 euros ao ano”. Nunha entrevista en Radio Xallas, Pereira confirmou a incertidume que houbo na sesión de investidura ata o último momento:” “Ata que levantaron a man os compañeiros de Compromiso non sabíamos o que ía a pasar realmente.”
