Declaracións de Óscar del Río desde o minuto 12 deste audio
Terra Galega seguirá representada na corporación por Óscar del Río e por Rosa Parafita.”A xente segue confiando en nós e isto quere dicir que fixemos ben as cousas e se valorou o noso traballo”.
En declaracións ao programa “Na Encrucillada”, Óscar del Río, asegurou que o seu grupo aínda non analizara a situación política pero ten claro que “Antonio Negreira non pode seguir como alcalde” xa que “o dano feito a Val do Dubra é grave, e en catro anos intentouse enfrontar aos veciños e iso non é política”.
Despois de marcar distancias con Anova, o portavoz de Tega afirmou que a vindeira fin de semana haberá xuntanzas para “marcar as pautas a seguir” pero tamén deixou claro que “a nós non nos corresponde mover ficha”.
