Actos separados de Anova, En Marea , Podemos e Esquerda Unida// Andoni Ortúzar(PNV) participará no acto de Compromiso por Galicia e Mónica Oltra(Compromís) no de En Marea//
Bloque Nacionalista Galego
Como xa informamos noutro artigo, o BNG, organizará unha tradicional manifestación que arrancará ás 12 do mediodía da Alameda compostelán. O lema é “Sumar por Galiza”.
Este 24 de xullo, Galiza Nova organiza en Bonaval un acto de homenaxe a Rosalía e a Castelao(17h), que será presentado por Iria Carreira e contará coa presenza de Ana Pontón, Alberte Fernández, Alberte Mera, Iria Aboi e Xosé Emilio Vicente. Actuará Nao e Son da Rúa.
Anova – Irmandade Nacionalista
“República desde os concellos” é o lema elixido para o 25 de xullo por Anova – Irmandade Nacionalista. Este martes haberá unha palestra denominada “Novo tempo para a Unidade Popular, na Facultade de Filosofía da USC(19:30H) coa participación do voceiro nacional, Antón Sánchez, da ex-alcaldesa de Badalona, Dolors Sabater(Guanyem) e de María del Río(EH Bildu) coa moderación da xornalista Eva Lema.
O mércores haberá un acto político(13,00h) no parque de Galeras coa intervención de Xosé Manuel Beiras, Antón Sánchez, Oriana Méndez, Branca Novoneyra e Iván Rodríguez. Haberá un xantar popular e unha romaría coa actuación de Leo.
En Marea
En Marea escolleu o parque de Vista Alegre para o seu acto central co lema “A Galicia de todas”. Haberá sesión vermú, xantar popular, poesía, árbores dos desexos. A partir das 13,30h intervirán o portavoz nacional de En Marea, Luís Villares e Mónica Oltra(presidenta de Compromís).
Esquerda Unida
“Defender o municipalismo rebelde para construír República”. Con este lema celebra Esquerda Unida o “Día de Galicia”. A localidade elixida é Mugardos. A partir das 12,30 falará o alcalde de Ferrol, Jorge Suárez, a alcaldesa de Mugardos, Pilar Díaz, o membro da dirección, Carlos Portomeñe e a coordinadora nacional e deputada, Eva Solla.
Podemos Galicia
Podemos estará no parque do Chanto, en Sarria, para celebrar o “Día da Matria”.A partir das 12,15 intervirán Paula de Santiago(Podemos Sarria), o activista Fadile Chami, a secretaria de organización de Podemos Galicia, Natalia Prieto e a secretaria xeral, Carmen Santos.
Compromiso por Galicia
“É tempo de Galicia”. O acto político de Compromiso por Galicia será no parque Eugenio Granell de Santiago de Compostela(13,30) coa intervencións do presidente do partido, Xoán Bascuas, dos precandidatos ás alcaldías de Santa Comba e Amoeiro, Milagros Corral e David Barbeira, do presidente do PNV, Andoni Ortúzar e do coordinador do PdeCAT no congreso, Jordi Xuclá. Pechará o acto o secretario xeral Juan Carlos Piñeiro Docampo.
