González Formoso:“Santiago e A Coruña reclaman socialismo de altura para ser votado”
O secretario xeral do PSdeG na provincia da Coruña ten claro que os resultados do Partido Socialista nas pasadas eleccións municipais en cidades como A Coruña, Santiago ou Ferrol teñen que quedar como excepcionais xa que “ter un papel residual é totalmente inasumible”.
Nunha entrevista para o xornal El Correo Gallego publicada este domingo 15 de abril, Valentín González avogou por escoller ós candidatos máis axeitados en cada concello e pediu “responsabilidade e xenerosidade” nas primarias, advertindo que estes procesos deixan”cicatrices” no partido porque son “a cara de can” e poden ser contraproducentes:”Pode darse o caso tamén de que haxa un Felipe González nas filas do partido que non pase as primarias”.
Candidaturas que ilusionen
Para González Formoso é fundamental acertar e no caso das cidades hai opcións e xente válida:“Santiago e A Coruña reclaman socialismo de altura para ser votado”.Nesta entrevista en El Correo Gallego, o secretario dos socialistas e tamén presidente da Deputación, agarda que se superen as 28 alcaldías.
“Se o PSdeG é capaz de presentar candidaturas que ilusionen á sociedade, recollerán froitos e as candidaturas das mareas sufrirán, porque son vasos comunicantes. Se o PSdeG se mantén como até agora as mareas o teñen moi fácil”
