José Antonio Pereira presentou trescentas sinaturas na Xunta de Galicia.
O PSdeG presentou unha proposición non de lei, na que se insta ao goberno galego a instalar ao longo deste ano 2018, pasos de peóns e regulación semafórica na estrada AC-546, nas parroquias de A Barcala, Corneira e Ordoeste, no concello da Baña.
A proposta será debatida na comisión de Ordenación territorial, Obras Públicas, Medio Ambiente e Servizos. Ademáis os socialistas presentaron unha pregunta sobre as previsións da Xunta neste tema.
Destas iniciativas dou conta o voceiro parlamentario do PSdeG, Xoaquín Fernández Leiceaga, despois dunha xuntanza co voceiro socialista na Baña, José Antonio Pereira Gil e coa concelleira Ana Paramos. Posteriormente Pereira e Paramos presentaron no rexistro da Xunta un escrito con trescentas sinaturas que apoian as medidas plantexadas.
Un serio problema na AC-546
Para Fernández Leiceaga é unha proposta “razoable” e anunciou que o seu grupo vai a “estar pendentes de ver como a Xunta resolve un problema que afecta ás condicións de vida nesta zona da Baña”.
Pola súa banda, José Antonio Pereira, cualificou a situación de “serio problema” nunha “estrada perigosa” na que nos últimos anos houbo accidentes mortais.”Os coches pasan a unha velocidade excesiva e os veciños non son capaces de cruzar con seguridade” apunto o concelleiro socialista.
