Quedou atrapado e tivo que ser rescatado polos bombeiros.
Un mozo de 18 anos resultou ferido de gravidade ao sufrir un accidente no Espíritu Santo( Alto de Rial), na parroquia de Rial no concello do Val do Dubra, no traxecto da estrada que une Carballo e Santiago(DP-1914 km 18).
O coche que conducía bateu contra unha árbore. Tivo que ser rescatado do seu interior polos efectivos do parque comarcal de bombeiros de Santa Comba. Logo foi trasladado ao Hospital Clínico de Santiago de Compostela.
O accidente aconteceu ás 11,45 deste mércores. Ata o lugar xunto cos bombeiros e os efectivos sanitarios tamén se desprazaron axentes da Garda Civil e de Protección Civil de Val do Dubra.
