Os socialistas farán varias preguntas e lembran que o PP rexeitou unha moción o pasado mes de agosto.
O portavoz do Partido Socialista no concello da Baña, José Antonio Pereira Gil, trasladará os “graves problemas” que moitos veciños do concello están padecendo “pola falta dunha rede de subministro de auga potable municipal” e que se agravou como consecuencia da seca que afecta a todo o país.
Pereira Gil preguntará se o goberno que preside o popular Andrés García Cardeso ten ideado algún plan de urxencia ante esta situación, se o concello ten medios para subministrar a auga ás distintas parroquias e se pensou “algunha solución a curto prazo “para rematar con este problema que se agudiza ano tras ano”.
Crónica do pleno do 1 de agosto
Moción rexeitada
Desde o Partido Socialista lembran que no pleno ordinario do pasado 1 de agosto que foi cuberto por Adiante Galicia, presentaron unha moción para “impulsar un compromiso por parte do Concello na construción, canalización e mantemento, de novos mananciais de carácter comunitarios” que foi rexeitada polo Partido Popular.
