Este venres plenos matinais extraordinarios nestes dous concellos das Terras de Compostela.
Este venres 13 de outubro é día de plenos. O primeiro en comezar será o da Baña.O alcalde Andrés García Cardeso, convocou para o vindeiro venres as 10 da mañá un pleno extraordinario e urxente co obxectivo de aprobar a conta xeral do ano 2016.
A través das redes sociais, o portavoz de Compromiso por Galicia, César Ramos criticara que se agardase ao último día de prazo para levar a conta xeral a un pleno.O último pleno celebrouse o pasado 27 de setembro. Crónica do pleno
Pleno no Val do Dubra
Dúas horas máis tarde o foco informativo estará en Bembibre, no salón de plenos do concello do Val do Dubra onde se celebrará unha sesión plenaria extraodinaria solicitada polos dous edís de Terra Galega é polo independente Cándido Señarís.
Solicitan que se proceda ao pago das subvencións nominativas a entidades deportivas, culturais e asociacións que está pendente do exercicio 2016 e emprazan ao alcalde Antonio Varela a que aclare “se houbo deixadez de funcións, e ata onde chegan as responsabilidades deste grave fallo administrativo”.
Neste concello hai outro pleno pendente de celebrarse, e que foi solicitado polos concelleiros do grupo municipal do Partido Popular que propoñen a retirada do soldo do alcalde mentres non se pague a débeda aos provedores e que se debata sobre o proxecto de humanización da rúa Arcai.