11.9 C
Santa Comba
miércoles, febrero 28, 2024

Catro mocións aprobadas e un regulamento pendente

Pleno ordinario no Val do Dubra. A corporación apoia as demandas para a devolución do Pazos de Meirás e rexeita o referéndum de Cataluña.

O regulamento de participación cidadana impulsado polo goberno local do Val d Dubra quedou sobre a mesa tal e como solicitaron os grupos da oposición que pediron a oportunidade de facer as súas aportacións.Ábrese un prazo de quince días para alegacións.”Queremos que a xente participe” sinalou o alcalde Antonio Negreira, recordando que este documento era unha promesa electoral de Anova. Antes da quenda de mocións o portavoz do PP, Ramón Varela, advertiu que “por primeira vez hai reparos no concello e nós non nos facemos responsables disto”. O alcalde asumiu a responsabilidade e afirmou que “senón se levantan reparos o concello colápsase”.

Coa abstención do PP e o voto favorable do resto dos grupos aprobouse unha moción de apoio á plataforma que solicita a devolución do Pazo de Meirás e que foi exposta por Celsa Oreiro(Anova).O PP presentou unha moción de rexeitamento ao referéndum de Cataluña, que foi aprobada cos votos a favor de PP, Tega e independentes e coa oposición de Anova.

Tamén se aprobaron dúas mocións de Terra Galega por unanimidade. A primeira era para que se faga pública a información de actas plenarias e outros temas municipais.”Noutros concellos xa contan con este servizo” asegurou Óscar del Río. O outro texto referíase a petición de locais para a oposición. Desde Terra Galega lembraron que esta era unha petición do actual rexedor cando estaba na oposición. Antonio Negreira informou que “dentro do concello non hai espazos” pero comprometeuse a estudiar a posibilidade de buscar un local para compartir os grupos políticos da oposición.

O pleno rematou cunha batería de rogos e preguntas do voceiro de Terra Galega, Óscar del Río, que demandou a necesidade da fibra óptica no concello ou de repensar a Festa do Emigrante que “o último día foi un fracaso”. O alcalde dixo que estaban en contacto para a mellora da internet pero que esta era unha responsabilidade da Xunta. Sobre a Festa do Emigrante defendeu a programación musical pero admitiu a necesidade de “darlle unha volta” a esta celebración.

A falta de resposta ás demandas veciñais, a execución dunha obra en Malvarez, o transporte escolar ou uns verquidos detectados no río Dubra foron outros temas expostos por del Río nesta sesión, na que tamén se falou do soldo do alcalde e da faltad e pago a provedores.“Non admito que se diga que eu só funciono por cartos” criticou Negreira.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!

Síguenos

7,820FansMe gusta
1,661SeguidoresSeguir
1,826SeguidoresSeguir
1,210SuscriptoresSuscribirte

Últimos artigos