O PP defende a súa proposta e convida á o resto da oposición a buscar solucións para que poidan cobrar os provedores. Vídeos Adiante TV.
O portavoz municipal do Partido Popular do Val do Dubra, Ramón Varela, compareceu acompañado polos concelleiros Jesús Neiro e Arturo Noya. E fíxoo nun restaurante de Bembibre “non como o alcalde que cada vez que convoca unha rolda de prensa faino en Santiago de Compostela”.
Na súa intervención xustificou o pleno extraordinario no que piden explicacións e propoñen a retirada do soldo do alcalde, Antonio Negreira:”O alcalde está cobrando e as empresas e autónomos están afogados porque non cobran do concello. Propoñemos que se lle retire o soldo mentres non cumpra coa lei de pago a provedores”.
Varela deixou claro que para prosperar esta iniciativa necesitan dos votos de Terra Galega e de Independentes por Val do Dubra. E puxo a pelota no teito destas dúas formacións:.”Votar en contra significa que se lle acepta a situación actual e a abstención significa que nin importan as empresas nin se quere facer nada para axudalas. Dáselle carta branca ao goberno actual”.
Desde o Partido Popular advirten ao alcalde que “non nos vai a intimidar” e lembran que os plenos extraordinarios son legais, desmentindo calquera posibilidade dunha moción de censura:
“Nós nunca falamos de moción de censura. Non barallamos esa posibilidade. Que goberne o que ten máis votos pero senón sabe gobernar que teña dignidade e que se vaia”.
Para Ramón Varela a xestión de Antonio Negreira “é nefasta”. E lembrou a perda de dous obradoiros de emprego:”Tamén pediremos explicacións por estes cartos que se esfumaron pola mala xestión de Anova”.
Sobre as queixas do actual rexedor pola herdanza recibida desde o PP aseguran que “a herdanza que recibiu foi un remanente de 532.000 euros e as contas claras”. Os populares engaden que “no concello do Val do Dubra nunca houbo reparos de facturas pero neste pleno ordinarios lévanse dez facturas reparadas. Xamais pasou isto no concello”.
