O presidente de honra do Partido Popular de Galicia e expresidente da Xunta, Xerardo Fernández Albor cumpriu 100 anos este xoves 7 de setembro.
Con motivo da súa onomástica os populares difundiron o seguinte vídeo.
Desde o Partido Popular manifestan que “Albor segue a ser un referente do partido, un dirixente que non é patrimonio do PP senón de todos os galegos, e unhas das figuras máis importantes da democracia do noso país. Nestes tempos nos que hai territorios que con frecuencia toman camiños equivocados, o noso presidente de honra tivo por costume acertar e poñer por diante os intereses do noso pobo”.
Nun comunicado de prensa afirman que “Albor segue a ser un activo do PPdeG mantendo un contacto permanente coa cúpula do partido e sendo habitual que contribúa coas súas aportacións intelectuais e ideolóxicas que axudan na configuración do noso ideario político”.
