16.4 C
Santa Comba
viernes, marzo 22, 2024

Touros no Obradoiro en honor de Santiago Apóstolo

A tradición taurina en Santiago de Compostela está documentada dende 1506 data na que se celebrou unha corrida na praza do Obradoiro con motivo da viaxe do rei Felipe I  á cidade.

Milagros Lara

Quen podería imaxinar que a praza do Obradoiro pechábase para facer corridas de touros? Polo menos dende 1506, data na que se documenta a corrida celebrada con motivo da visita a Santiago do rei Felipe I, o Obradoiro achandábase con terra ou area, pechábase con táboas e dispoñíanse tourís e tribunas para celebrar o espectáculo taurino na súa praza maior do mesmo xeito que se facía en moitas outras localidades españolas. E o escenario non cambiou de lugar durante máis de trescentos anos, acollendo lidias nasen datas sinaladas ata que problemas xurdidos entre as autoridades civís e eclesiásticas sobre o uso da praza como coso obrigaron a trasladar o festexo a outros puntos da cidade.

Os desacordos entre as dúas institucións compostelanas estouparon  cando o  cando o cabildo negouse a pagar un canon para contemplar a festa desde os balcóns da catedral. Prescindiuse entón do Obradoiro como lugar de celebración e os espectáculos taurinos trasladáronse daquela ao campo de Santa Susana. Tamén Santa Isabel e o Hórreo gozaron de prazas ao longo do século XIX, pero non será ata 1897 cando se inaugure unha moderna e estable construída en ladrillo, ferro e madeira, con cabida para 8.500 espectadores e dotada con todo o necesario para o festexo taurino en Santiago de Compostela. Unha vez derribada, sucedeulle outra de madeira que celebraba a súa inauguración en 1933 cos espadas Nicanor Villalta, Alfredo Corrochano e Antonio García e touros de Julián Sanz.

Touros o día do Apóstolo

Si a corrida en honor de Felipe I o Fermoso é a primeira da que se ten noticia en Compostela, as corridas máis importantes eran aquelas que se programaban cada ano para as festas do Apóstolo. Seis touros eran os que honraban a Santiago o día 25 de xullo ou a  véspera «conforme ao costume que hai na cidade» como recolle Antonio Neira de Mosquera.  véspera «conforme ao costume que hai na cidade» como recolle Antonio Neira de Mosquera. 

Fogos artificiais e touros eran a atracción principal das festas patronais e a afección era tan grande que a festa sobreviviu aos  problemas económicos do Concello, ao rexeitamento dalgúns sectores da Igrexa, con dúas condenas papales incluídas, e ata á prohibición das corridas decretadas no 1754 e no 1785, gozando a cidade do Apóstolo dunha excepción ao mandato real.

A organización do festexo taurino das festas do Apóstolo corría a cargo do Concello que nomeaba unha comisión para ocuparse do correcto desenvolvemento de todo o festexo dos touros, e era tamén o Concello quen se encargaba de convocar aos carpinteiros e de  adxudicar a construción para pechar a praza e dispoñer os asentos e as plateas. 

Podemos imaxinar doadamente cales eran os accesos á praza. Tres portas, xunto ao pazo arcebispal, o Hostal e o Colexio de San Xerome facían as veces de entrada ao recinto e, namentres non se construíu o pazo de Raxoi, as personaxes relevantes ocupaban palcos e balcóns dispostos para elo ndos edificios ddispostos no Hospital e colexio, amais da fronte da catedral. Os persoeiros situábanse en tribuna de preferencia onde non faltaban os asentos con respaldo forrados de veludo vermello e a imaxe do rei. E sábese que ás autoridades e aos seus invitados servíanselles alí uns aperitivos tal e como sucede hoxe en determinados palcos nos espectáculos deportivos.

As corridas do Obradoiro coñeceron durante estes séculos toureiros dacabalo e a pé, con destros vindos de Castela e Andalucía para os festexos, como o sevillano Pepe-Hillo. Cousa distinta foron os touros que procedían da cabana gandeira autóctona dos montes de Fecha e da península do Barbanza ata moi avanzado o XVIII no que se empezaron a traer hastados casteláns, salmantinos e andaluces para a lidia.

 

Unha tradición que está a esmorecer

As corridas de touros «non forman parte da tradición da comunidade autónoma», afirmou a deputada socialista Patricia Vilán durante o
recente debate do proxecto de lei de benestar animal no Parlamento de Galicia. Con todo, a secular afección aos touros na Coruña, Pontevedra, Ferrol, Noia ou Santiago de Compostela, onde está acreditada a súa existencia desde fai máis de cincocentos anos, contrasta cando menos coas declaracións de Vilán.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img
spot_img
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,220SuscriptoresSuscribirte

Últimos artigos