Neste día tan cheo de simbolismo e historia. Nesta xornada onde Santiago é o epicentro dos sentimentos da galeguidade e da tradición, pero tamén de bos desexos para o futuro, Adiante Galicia estrea unha nova edición no seu diario dixital, para dar un paso máis nun proxecto informativo que cumpre tres anos.
Neste tempo, e grazas aos nosos lectores a patrocinadores, conseguimos converternos nun dos medios nativos dixitais máis importantes e influentes de Galicia. Sempre cun forte compromiso coa pluralidade e coa nosa terra.
Ao marxe das distintas seccións, temos unha vocación polo xornalismo local. Comezamos cunha edición específica para a Costa da Morte, continuamos coa recente edición Costa Ártabra e hoxe, no Día de Galicia, botamos a andar “Terras de Compostela”.
Nesta edición incluiremos os concellos da comarca de Santiago e tamén os dous concellos do Val do Barcala.
Ames
A Baña
Boqueixón
Brión
Negreira
Santiago de Compostela
Teo
Val do Dubra
Vedra
Coma sempre estamos abertos a recibir colaboracións, notas de prensa e a atender as propostas das persoas que queiran sumarse a esta realidade xornalística. Para contactar coa nosa redacción
contacto@adiantegalicia.es e tlf/whatsapp 693287749
Seguimos Adiante, como dicía aquel vello galeguista:”Adiante, tarefa escura pero adiante”.
