García, o apelido máis común dos xalleiros

@xmlema. García é o apelido máis común no concello de Santa Comba.

Se a nivel galego o máis popular é Rodríguez, seguido por Fernández, González e López, no noso concello ningún destes figura no ránking dos frecuentes. Unhas 473 persoas teñen García como primeiro apelido no municipio e uns 919 o levan como primeiro ou segundo. A moi lonxe están outros como Gerpe, Blanco, Antelo, Espasandín, Suárez, Calvo, Pazos, Martínez e Rial.

 Segundo a Wikipedia o máis probable é que o apelido García teña unha orixe ibérica, utilizado polos godos na península. No seu idioma significada “príncipe de vista agraciada”. É un apelido patronímico moi estendido pola península e por América. De feito é tamén o máis habitual de España con máis de tres millóns de persoas que o levan no seu documento nacional de identidade.

Manuel e María, os nomes máis comúns

No tocante aos nomes seguen dominando as listaxes os máis tradicionais.Nos últimos anos a tendencia está cambiando pero polo momento os nomes máis habituais no noso territorio son Manuel, José, José Manuel, Francisco, Jesús e José Antonio para homes e María, Carmen, María del Carmen, Dolores e Josefa para mulleres. A nivel galego no ano 2016, os preferidos foron Martín, Mateo e Hugo para os nenos e Sofía, Noa e Sara, para as nenas.

 Esta é a clasificación dos apelidos, segundo o Instituto Nacional de Estatística. A cifra entre paréntese corresponde ao número de persoas que levan os apelidos de primeiro ou de segundo, indistintamente.

Os dez apelidos máis habituais en Santa Comba

1-García  – (919)

2-Gerpe  – (473)

3-Blanco  – (449)

4-Antelo –  (446)

5- Espasandín (379)

6- Suárez  (368)

7-Calvo (360)

8-Pazos (358)

9- Martínez (354)

1o- Rial (344)

Os nomes máis habituais en Santa Comba(Homes)

1- Manuel

2- José

3- José Manuel

4- Francisco

5- Jesús

6- José Antonio

7- Antonio

8- José María

9- José Luis

10-  Daniel

Os nomes máis habituais en Santa Comba (Mulleres)

1- María

2- Carmen

3- María del Carmen

4- Dolores

5- María Dolores

6- Josefa

7- Josefina

8- María Josefa

9- María Carmen

10- Florinda