Cumpríronse cen anos do concurso de gando celebrado en Santa Comba promovido por Juan Rof Codina e que supuxo todo un acontecemento no inverno de 1917.
Xosé Manuel Lema
Fai un século, o un de xaneiro de 1917, Santa Comba acollía un concorrido concurso de gando que foi estupendamente difundido pola prensa da época. De feito, un xornalista de la “Gaceta de Galicia” desprazábase ata a capital do Xallas nun vehículo de transportes “El Noroeste” para cubrir o acontecemento, impulsado pola Cámara Agraria de Santiago e pola Deputación provincial, co empuxe dun persoeiro que pasaría a historia, o daquela inspector de Hixiene e Sanidade Animal, Juan Rof Codina.
A cita non faltaron os deputados da zona, José Reino Caamaño e Herminio Amigo. Reino Caamaño e o alcalde de Santa Comba, Juan Arosa Nieto formaron parte dun xurado composto tamén polo concelleiro de Santiago e veterinario, Antonio Fernández Tafall, o concelleiro de Negreira, José Constantino Fornos, o subdelegado de veterinarios de Negreira, José Gómez Ferrer, o veterinario de Santa Comba, Severiano Lema e o propio Rof Codina.
55 animais chegados de toda a redonda participaron nun animado concurso. A parroquia máis premiada foi a de Arantón aínda que tamén houbo recoñecementos para gandeiros de Freixeiro, Arantón, Santa Sabina, Castriz, Santa Comba,Alón, Montouto, A Pereira, Esternande e da parroquia veciña de Suevos(A Baña).
La “Gaceta” dedica dúas páxinas a este evento. Hai que engadir que seguindo a tradición da época, o xornal tiña seis páxinas. Na reportaxe no faltan eloxios para a capital do Xallas, as fotos de varios touros premiados, unha imaxe da capela de Santa Catalina, un artigo técnico de Juan Rof Codina e unha curiosa composición dun autor que se fai chamar Antón do Campelo. É un “Palique xalleiro” que xa se dera a coñecer con anterioridade e que se poder ler nesta ligazón de Anosacosta. Non ten desperdicio.
Imaxe da capela de Santa Catalina de Armada en 1917
Foto portada- Perico, o touro gañador do concurso.
